როგორ მოვაშოროთ ძაღლს რწყილი

თუ თქვენს ძაღლს რწყილი გაუჩნდა, სასწრაფოდ უნდა მიიღოთ შესაბამისი ზომები და იზრუნოთ რწყილის მოცილებაზე.

ის იწვევს თქვენი შინაური ცხოველის გაღიზიანებას და მრავალი ძაღლი საკმაოდ მგრძნობიარეა მისი ნაკბენის მიმართ, რამაც შეიძლება გამოიწვიოს კანის აქერცვლა, ნაწიბურები და ლაქები. გარდა ამისა, რწყილებმა შეიძლება გამოიწვიოს ჭიები და ანემია.

ასევე, რწყილები კბენენ არა მარტო ძაღლებს, არამედ ადამიანებსაც და შეიძლება თქვენი სახლი ძალიან მალე გაივსოს რწყილებით.

ამიტომ, აუცილებელია მათი სასწრაფოდ მოშორება არა მარტო ძაღლისგან, არამედ, თქვენი სახლიდანაც.

ცოტა რამ ძაღლის რწყილის შესახებ

იმისათვის რომ სწორად უმკურნალოთ ძაღლს და გაათავისუფლოთ რწყილებისგან, სასურველია გქონდეთ გარკვეული ინფორმაცია მათ შესახებ.

რწყილი სიცოცხლის ოთხ ეტაპს გადის – კვერცხი, ლარვა, ჭუპრი და ზრდასრული რწყილი.

ერთ რწყილს შეუძლია 2000-მდე კვერცხის დადება და ისინი 10 დღის განმავლობაში იქცევიან ლარვად.

ამ დროს ისინი უკვე იკვებებიან სისხლით და ჭუპრის ეტაპზე გადასვლისას, თუ იპოვიან ცხოველს, გადაიქცევიან ზრდასრულ რწყილად.

მნიშვნელოვანია ამ ეტაპების ცოდნა, რადგან რწყილის მოსაშორებელი სხვადასხვა წამალი სხვადასხვა ეტაპისთვისაა განკუთვნილი.

რწყილის საწინააღმდეგო საყელო

შეიძინეთ ეკოლოგიურად სუფთა რწყილების საწინააღმდეგო საყელო. მოქმედების ვადა – 8 თვე.

რწყილის საწინააღმდეგო საყელო

ძაღლის რწყილისგან გათავისუფლება

რა თქმა უნდა, ძაღლის რწყილების თავიდან ასაცილებლად საუკეთესო საშუალებაა პრევენციული ზომების მიღება.

თქვენ შეგიძლიათ გამოიყენოთ რწყილისა და ტკიპების საწინააღმდეგო წამლები, მაგრამ არსებობს სხვა საშუალებები, როგორიცაა რწყილის საწინააღმდეგო საყელოები, სითხეები და აბები.

მიმართეთ თქვენს ვეტერინარს, რათა გაარკვიოთ რომელი პროდუქტია ყველაზე უსაფრთხო და შესაფერისი თქვენი ლეკვისთვის ან ძაღლისთვის.

თუ თქვენს ძაღლს უკვე ყავს რწყილები, ეს პრევენციული საშუალებები მოგცემთ გარკვეულ შედეგს, მაგრამ შეიძლება დაგჭირდეთ უფრო ძლიერი მედიკამენტის გამოყენება.

ასევე, შეგიძლიათ გამოიყენოთ რწყილის შამპუნი ან რომელიმე სწრაფი მოქმედების ქიმიური საშუალება, რომელიც რწყილს კლავს რამდენიმე საათში.

რწყილის მოსაშორებელი სავარცხელი

მოაშორეთ თქვენს ძაღლს რწყილები მარტივად სპეციალური სავარცხლის საშუალებით.

რწყილის სავარცხელი

სახლის გაწმენდა ძაღლის რწყილებისგან

თქვენი ძაღლის რწყილებისგან გათავისუფლება პრობლემის მხოლოდ დასაწყისია. აუცილებელია მათი მოშორება თქვენი სახლიდან. წინააღდეგ შემთხვევაში, თქვენს ძაღლს ისევ გაუჩნდება რწყილები და თავიდან მოგიწევთ მკურნალობა.

სახლის რწყილებისგან სრულად გათავისუფლება შეიძლება თვეები დაჭირდეს, თუმცა ეს აუცილებელია.

რამოდენიმე რეკომენდაცია, თუ როგორ შეიძლება მოვსპოთ ძაღლის რწყილი ჩვენი სახლიდან:

• ხშირად გარეცხეთ ძაღლის სათამაშოები ცხელ წყალში საპნით ან სპეციალური საშუალებით.
• გარეცხეთ თეთრეული, ხალიჩა ან სხვა მსგავსი ნივთი რომელსაც თქვენი ძაღლი შეხებია.
• მტვერსასრუტით გაწმინდეთ იატაკი, ხალიჩები, დივანი, და სხვა.
• თუ ძაღლი დაგყავთ მანქანით, აუცილებლად გაწმინდეთ თქვენი მანქანის ინტერიერი.
• გამოიყენეთ რწყილის საწინააღმდეგო სპეციალური საშალებები, როგორიცაა სპრეი.

ასევე, გარდა ამისა, აუცილებელია ვეტერინართან კონსულტაცია, რადგან სწორად დაგეგმოთ მკურნალობის პროცესი და სწორი საშუალებები გამოიყენოთ.

თემატური შეხსენება: სახლის გაწმენდაში შესაძლოა ჩვენ კატეგორიაში არსებული ძაღლის აქსესუარები გამოგადგეთ, შეძენილ პროდუქციას ადგილზე მოგიტანთ!

შეჯამება

ძაღლისთვის რწყილების მოსაშორებლად, საჭიროა მიჰყვეთ გეგმას. გაითვალისწინეთ რწყილის სიცოცხლის ციკლის ეტაპები, გამოიყენეთ რწყილის მოსაშორებელი საშუალებები, გაათავისუფლეთ სახლი რწყილებისგან და გაიარეთ კონსულტაცია ვეტერინართან.

ამ და სხვა საინტერესო ინფორმაციის მისაღებად, თვალი ადევნეთ Woof.ge-ს ონლაინ ზოომაღაზიის სიახლეებს, ჩვენ საინტერესო მასალებს ყოველთვიურად გპირდებით.