როგორ გადავაჩვიოთ კატა კბენას

კატები მშვენიერი და საყვარელი ცხოველები არიან, თუმცა ხშირად არის შემთხვევა, როდესაც გვკბენენ, რაც საკმაოდ მტკივნეულია.

მიუხედავად იმისა, რომ ეს ბუნებრივი ქცევაა, არ ნიშნავს იმას, რომ ეს სამუდამოდ გაგრძელდეს. მოთმინებით და სწორი მიდგომით შეგიძლიათ ასწავლოთ თქვენს ფისოს გამოხატოს თავისი ბუნებრივი ინსტინქტები სხვა გზით.

5 გზა, თუ როგორ გადავაჩვიოთ კატები კბენას

ქვემოთ ჩამოთვლილია სხვადასხვა მეთოდი და გზა, თუ როგორ შეიძლება თავიდან ავირიდოთ კატის კბენა. ასევე, მნიშვნელოვანია იცოდეთ მიზეზები თუ რატომ გვკბენს კატა.

სათამაშოების გამოყენება

კბენის თავიდან ასაცილებლად ერთ-ერთი ყველაზე ეფექტური გზაა კატის ბუნებრივი ნადირობისა და კბენის ინსტინქტების გადამისამართება სხვა საგანზე, მაგალითად, სათამაშოზე.

მიაწოდეთ სხვადასხვა ნივთი ან სათამაშო, რომელსაც შეუძლია უკბინოს და კლანჭებით ეთამაშოს. როდესაც ფისო შეეცდება თქვენს დაკბენას, დაუყოვნებლივ გადაუტანეთ ყურადღება სხვა ნივთზე.

პატივი ეცით კატის პირად სივრცეს

კბენის უმეტესი შემთხვევა ხდება მაშინ, როდესაც კატები პირადი სივრცის დარღვევას ან ზედმეტ სტიმულირებას გრძნობენ. თქვენი ფისოს სხეულის ენის წაკითხვისა შეიძლება მნიშვნელოვნად შეამციროს კბენის ეპიზოდები.

დიდი ყურადღება მიაქციეთ, თუ როგორ რეაგირებს სხვადასხვა ადგილებში შეხებაზე. ასევე, მოეფერეთ ისეთ ადგილებში, როგორიცაა ყელი, თავი და მოერიდეთ მუცლის არეს.

ასწავლეთ სწორი მოქცევა

ვარჯიში აუცილებელია იმისთვის, რომ ისწავლოს, რომ ადამიანების კბენა არ შეიძლება. როდესაც ფისო კბენას დააპირებს, უპასუხეთ მკაცრად, მაგრამ მშვიდად და დაუყოვნებლივ შეწყვიტეთ ურთიერთობა. ეს კი ასწავლის, რომ კბენა თამაშის და ყურადღების შეწყვეტას იწვევს.

თუმცა, არასოდეს დასაჯოთ თქვენი ფისო ფიზიკურად და არ აიმაღლოთ ხმა, რადგან ამან შეიძლება დააზიანოს თქვენი ურთიერთობა და გაზარდოს შიშზე დაფუძნებული ქცევა. ეს მეთოდი განსაკუთრებით კარგად მუშაობს კნუტებთან, რომლებიც ჯერ კიდევ ავითარებენ თავიანთ სოციალურ უნარებს.

რეგულარული თამაში

არასაკმარისი ვარჯიში და გონებრივი სტიმულაცია არასათანადო კბენის ხშირი მიზეზია. ბევრი კატა კბენს მხოლოდ იმიტომ, რომ ისინი ვერ ხარჯავენ ენერგიას. ამიტომ, თამაში აუცილებელია.

ყოველდღე დაუთმეთ დრო სტრუქტურირებულ თამაშს – იდეალურად 10-15 წუთი, დღეში ორჯერ ან სამჯერ. გამოიყენეთ ინტერაქციული ან სხვა ტიპის სათამაშოები, რაც ენერგიის დახარჯვაში დაეხმარება.

შექმენით მშვიდი გარემო

სტრესმა და შფოთვამ შეიძლება მნიშვნელოვნად გაზარდოს კატებში კბენის ალბათობა. გარემოს შექმნა, რომელიც დააკმაყოფილებს თქვენი კატის ყველა საჭიროებას, დაგეხმარებათ შეამციროთ სტრესი.

დარწმუნდით, რომ თქვენს კატას აქვს წვდომა ყველა საჭირო რესურსზე – სუფთა წყალი, ხარისხიანი საკვები, სუფთა ქვიშა, კომფორტული დასასვენებელი ადგილი.

შეჯამება

აქ ჩამოთვლილი მეთოდები დაგეხმარებათ კატა გადააჩვიოთ კბენას და სხვა ცუდ ჩვევებსაც. ასევე, ქცევის უეცარი ცვლილება შეიძლება მიუთითებდეს სამედიცინო პრობლემებზე, ამიტომ, ზოგჯერ საჭიროა მიმართოთ ვეტერინარს.