წესები და პირობები

მოხარული ვართ, რომ სტუმრობთ „ჩვენს“ ვებ-გვერდს – woof.ge (შემდგომში „ვებ-გვერდი“).

აღნიშნული „წესები და პირობები“ ვრცელდება ვებ-გვერდის ყველა „მომხმარებლისთვის“ და წარმოადგენს სამართლებრივ შეთანხმებას „ჩვენსა“ და „მომხმარებელს“ შორის.

„ჩვენს“ მიერ შესაძლოა პერიოდულად განხორციელდეს „წესების და პირობების“ ან მისი ნაწილის ცვლილება. გთხოვთ, „ვებ-გვერდის“ მოხმარებისას გაეცნოთ აღნიშნული „წესების და პირობების“ უახლოეს ვერსიას.

იმ შემთხვევაში, თუ სარგებლობთ „ჩვენი“ „ვებ-გვერდით“, „თქვენ“ ეთანხმებით „ჩვენი“ „ვებ-გვერდის“ გამოყენების „წესებს და პირობებს“.

ტერმინთა განმარტება

წინამდებარე წესებსა და პირობებში გამოყენებულ ტერმინებს გააჩნიათ შემდეგი მნიშვნელობა:

• ჩვენ/ჩვენი/woof.ge: საქართველოს კანონმდებლობის შესაბამისად დაფუძნებული და მოქმედი კომპანია, რომელიც ეწევა სადისტრიბუციო საქმიანობას;
• ვებ-გვერდი: “woof.ge”, რომლის საშუალებით ჩვენ მომხმარებელს ვთავაზობთ ვებ-გვერდზე განთავსებული პროდუქციის შესყიდვას და მიწოდებას;
• მომხმარებელი: იურიდიული პირი ან 18 წელს მიღწეული (ქმედუნარიანი) ფიზიკური პირი, რომელიც სარგებლობს “ვებ-გვერდით”;
• მომხმარებლის თანხმობა: წინამდებარე დოკუმენტის მომხმარებლის მიერ გაცნობისა, მისი პერსონალური ხასიათის მონაცემების დამუშავების და “ვებ-გვერდზე” განთავსებული სხვა წესების შესახებ მომხმარებლის მიერ გამოხატული ნება/თანხმობა;
• მესამე პირი: ნებისმიერი ფიზიკური ან იურიდიული პირი, საჯარო დაწესებულება;
• პირდაპირი მარკეტინგი: ფოსტის, სატელეფონო ზარების, ელექტრონული ფოსტის ან სხვა ელექტრონული საშუალებით “მომხმარებლისთვის” ინფორმაციის მიწოდება, მათ შორის და არამხოლოდ საქონლის შესყიდვის, მომსახურების შეთავაზება;

 

წინამდებარე დოკუმენტი არის ორმხრივად მავალდებულებელი ხელშეკრულება, რომელიც ფორმდება მომხმარებელსა და ჩვენს შორის იმ შემთხვევაში, თუ მომხმარებელი არ ეთანხმება woof.ge-ს სამართლებრივი დოკუმენტების შინაარსს, შეუძლია არ გამოიყენოს ვებ-გვერდი, თუმცა, ამასთან woof.ge მომხმარებელს მიმართავს თხოვნით, შენიშვნები მიაწოდოს ელექტრონულ ფოსტაზე დამატებითი კითხვების, პრეტენზიის, თხოვნის შემთხვევაში, მომხმარებელს შეუძლია woof.ge-ს დაუკავშირდეს ელექტრონული ფოსტის მეშვეობით.

woof.ge-ს გუნდი მზად არის მომხმარებელს კითხვებზე გასცეს დეტალური პასუხი. მომხმარებლის მიერ გაკეთებული თითოეული შეკვეთა წარმოადგენს ცალკეულ ნასყიდობის ხელშეკრულებას, რომლის მხარეები არიან ვებ-გვერდის მომხმარებელი და ჩვენ.

შეკვეთის გაფორმებისას გენერირდება ნასყიდობის საგანი, მისი ღირებულება და მიწოდების ადგილი.

მომხმარებლის მიერ შეკვეთის გაფორმება და პროდუქციის შეძენა

მომხმარებლის მიერ პროდუქტის შერჩევის და ვირტუალურ კალათაში მოთავსების შემდგომ, ახალი მომხმარებლის შემთხვევაში საჭირო იქნება შემდეგი ინფორმაციის მითითება:

• სახელი
• გვარი
• მისამართი, სადაც სურს მომხმარებელს შეკვეთის მიღება
• ტელეფონის ნომერი
• ელექტრონული ფოსტა

 

woof.ge-ს პროდუქციის საფასურის გადახდის მიზნით გადამისამართდება ანგარიშსწორების გვერდზე. ანგარიშსწორების განხორციელებამდე მომხმარებელი ვალდებულია გადაამოწმოს მის მიერ მითითებული მისამართი და საკონტაქტო ინფორმაცია, შეძენილი პროდუქციის მისთვის შეუფერხებლად მიწოდების განხორციელების მიზნით. არასწორი/არასრული მისამართისა ან/და საკონტაქტო ინფორმაციის მითითების შემთხვევაში პროდუქციის მიწოდების შეფერხების თაობაზე პასუხისმგებლობა ეკისრება მომხმარებელს.

მომხმარებელი მის მიერ შეძენილი პროდუქტის შესახებ ინფორმაციის გადამოწმებას შეძლებს მის პირად გვერდზე. Unicorn.ge იტოვებს უფლებამოსილებას უარი თქვას ან გააუქმოს მომხმარებლის შეკვეთა თაღლითობის, უნებართვო ან უკანონო ტრანზაქციაზე ეჭვის არსებობის შემთხვევაში.

მომხმარებლის მიერ პროდუქტის საფასურის გადახდის შემდგომ შეძენილ ნივთზე საკუთრების უფლება სრულად გადადის მომხმარებელზე. შეძენილი პროდუქციის გაცვლისა და დაბრუნების წესები მომხმარებელს შეუძლია იხილოს პროდუქციის დაბრუნების პირობების გვერდზე.

ანგარიშსწორების წესი

პროდუქციის მიწოდება ხდება, მხოლოდ “მომხმარებლის” მიერ პროდუქტის სრული ღირებულების ჩარიცხვის შემდგომ. ანგარიშსწორება ხორციელდება მხოლოდ უნაღდო ანგარიშსწორების გზით.

შეკვეთის გაფორმებისას მომხმარებელი ვებგვერდიდან გადამისამართდება ანგარიშსწორების გვერდზე, სადაც უთითებს საკუთარი ბარათის მონაცემებს. ანგარიშსწორების მოთხოვნა მუშავდება და დასტურდება ბანკის მიერ.

woof.ge-ს არ აქვს წვდომა როგორც ანგარიშსწორების გვერდზე, ასევე მომხმარებლის მიერ მითითებულ საბანკო ბარათის მონაცემებზე. ანგარიშსწორების წარმატებით დასრულების შემთხვევაში, ეკრანზე გამოდის შესაბამისი ინფორმაციის შემცველი შეტყობინება.

ანგარიშსწორების დასრულების შემდგომ მომხმარებელი მის მიერ მითითებულ ელექტრონულ ფოსტაზე მიიღებს დასტურს შეკვეთის წარმატებით დასრულების შესახებ.

პასუხისმგებლობის შეზღუდვა

woof.ge შესაძლებლობების ფარგლებში მაქსიმალურად უზრუნველყოფს თავდაცვის შესაბამისი მექანიზმების შემუშავებას, თუმცა არ არის პასუხისმგებელი პლატფორმაზე დაცული მონაცემების არასანქცირებულ წვდომაზე, მესამე პირების მიერ მიყენებულ ზიანზე, მათ მიერ მომხმარებლისათვის შეთავაზებულ მომსახურებაზე.

woof.ge პასუხისმგებელი არ არის, რომ ვებგვერდი ან მომსახურება მომხმარებლისათვის იქნება მუდმივად ხელმისაწვდომი და არ იძლევა გარანტიას, რომ ვებგვერდს არ ექნება პროგრამული ხარვეზები, ვირუსები ან/და სხვა ნებისმიერი შეცდომა.

woof.ge იხნის სრულ პასუხისმგებლობას გაუფრთხილებლობის შედეგად დამდგარ ზიანზე, ასევე იმ შემთხვევებზე, როდესაც მესამე პირისათვის გახდა ცნობილი მომხმარებლის ავტორიზაციისათვის საჭირო ინფორმაცია.

woof.ge გამორიცხავს როგორც თავის, ასევე მისი ყველა თანამშრომლის ნებისმიერ პასუხისმგებლობას წინამდებარე დოკუმენტისა და მოქმედი კანონმდებლობის მომხმარებლის მიერ ბრალეული დარღვევის შემთხვევაში.

woof.ge სასამართლოს მიერ მისი პასუხისმგებლობის დადგენის შემთხვევაში შეზღუდულია სადავო პროდუქტის ღირებულების ოდენობით. კომპანია იხსნის სრულ პასუხისმგებლობას ნებისმიერი სახის ზიანისათვის ან/და შეფერხებისათვის, რომელიც შესაძლებელია გამოწვეულ იქნას მესამე პირების მონაწილეობით – ინტერნეტ პროვაიდერების, მობილური კომპანიების და სხვა შეფერხებული მუშაობით.

შეზღუდვები ვებგვერდის გამოყენებისას

woof.ge მომხმარებელს არ გაუწევს იმ სახის მომსახურებას, რომელიც მიაჩნია, რომ ეწინააღმდეგება მოქმედ კანონმდებლობას.

მომხმარებელს ეკრძალება ვებგვერდის არაკანონიერი მიზნებისთვის გამოყენება, მათ შორის, woof.ge-ს სისტემებში არასანქცირებული შეღწევა, ვებგვერდზე არსებული ინფორმაციის არასათანადოდ გამოყენება ან სხვაგვარი ქმედება, რომელმაც შეიძლება პირდაპირი ან ირიბი ზიანი მიაყენოს woof.ge-ს კანონით დაცულ ინტერესებს.

საავტორო უფლებები

ვებ-გვერდზე განთავსებული ნებისმიერი ტექსტი, გრაფიკული და ანიმაციური გამოსახულებები ექსკლუზიურად ეკუთვნის woof.ge-ს.

woof.ge-ს ვებ-გვერდზე არსებული ნებისმიერი რეგისტრირებული თუ არარეგისტრირებული ინტელექტუალური საკუთრების/სასაქონლო ნიშნის ნებისმიერი სახით გამოყენება, woof.ge-ს წერილობითი ფორმით გამოხატული წინასწარი თანხმობის გარეშე, მკაცრად აკრძალულია.

მომხმარებელს არ აქვს უფლება, გამოიყენოს woof.ge-ს სასაქონლო ნიშანი, ვებგვერდზე განთავსებული გრაფიკული გამოსახულებები ნებისმიერ პროდუქტთან ან მომსახურებასთან დაკავშირებით, რამაც შეიძლება გამოიწვიოს აღრევა.

მომხმარებელს არ აქვს უფლება, გამოიყენოს ისინი იმგვარად, რომ დაამციროს ან შეურაცხყოფა მიაყენოს woof.ge-ს რეპუტაციას. ამგვარი დარღვევის შემთხვევაში, woof.ge უფლებას იტოვებს, მიმართოს სამართლებრივი უფლებების დაცვის საშუალებებს. მომხმარებელი პასუხისმგებელი იქნება woof.ge-სათვის მიყენებულ მატერიალურ და არამატერიალურ ზიანზე, ზიანი შესაძლოა მოიცავდეს woof.ge-ს მიერ ამ ზიანის აღმოფხვრისთვის გაწეულ ხარჯებს, მათ შორის, საადვოკატო მომსახურებისა და სასამართლოს ხარჯებს.

ვებგვერდზე პროდუქციის ყიდვით მომხმარებელზე არ გადადის არანაირი საავტორო უფლება. woof.ge პატივს სცემს სხვა პირების საავტორო უფლებებს და მოუწოდებს მომხმარებელს დაიცვას woof.ge-ს საავტორო უფლებები.

იმ შემთხვევაში, თუ მომხმარებელი საავტორო უფლებების მესაკუთრეა და თვლის, რომ მისი საავტორო უფლების დაცვის ობიექტი რაიმე ფორმით, კანონმდებლობის დარღვევით განთავსდა woof.ge-ზე, მომხმარებელი უნდა დაუკავშირდეს woof.ge-ს ელექტრონულ ფოსტაზე და მიუთითოს დანიშნულებაში საავტორო უფლების დარღვევა.

მოქმედების ვადა და შეწყვეტა

წინამდებარე წესები და პირობები ძალაში შედის მომხმარებლის მიერ თანხმობის გამოცხადების შემდეგ და მოქმედებს მომხმარებლის ანგარიშის გაუქმებამდე.

წინამდებარე დოკუმენტის მოქმედება შესაძლებელია შეწყდეს საქართველოს კანონმდებლობით ან/და წინამდებარე წესით გათვალისწინებულ შემთხვევებში, აგრეთვე მომხმარებლის ინიციატივით ნებისმიერ დროს, შეწყვეტის მომენტისათვის woof.ge-ს წინაშე არსებული ნებისმიერი სახის დავალიანების (ასეთის არსებობის შემთხვევაში) სრულად დაფარვის შემდეგ.

მესამე მხარე

woof.ge იხსნის ყოველგვარ პასუხისმგებლობას სხვა ვებგვერდებთან მიმართებით, რომლებიც შესაძლებელია გარე ბმულის სახით განთავსებული იყოს woof.ge-ს ვებგვერდზე. სხვა ვებგვერდის შინაარსი, წესები და პირობები, კონფიდენციალურობის პოლიტიკა შესაძლოა განსხვავდებოდეს წინამდებარე პოლიტიკისგან. შესაბამისად, woof.ge მომხმარებელს მოუწოდებს გაეცნოს გარე ბმულის სახით მითითებული ვებგვერდის გამოყენების პირობებსა და კონფიდენციალურობის პოლიტიკას.

მარეგულირებელი კანონმდებლობა და დავების გადაწყვეტის წესი

წინამდებარე წესები და პირობები რეგულირდება და განიმარტება საქართველოს მოქმედი კანონმდებლობის შესაბამისად მხარეები თანხმდებიან რომ დავის შემთხვევაში, შეეცდებიან მოლაპარაკებით გადაწყდეს წარმოშობილი უთანხმოება.

მოლაპარაკებების წარმატებით დასრულების შეუძლებლობის შემთხვევაში, მხარეები უფლებამოსილნი არიან მიმართონ თბილისის საქალაქო სასამართლოს.

წინამდებარე წესებისა და პირობების რომელიმე ნაწილის ბათილად ცნობა არ გამოიწვევს სხვა ნაწილის ბათილად ცნობას.

ცვლილებები და დამატებები

woof.ge იტოვებს უფლებას, წინამდებარე დოკუმენტში ნებისმიერ დროს, ცალმხრივად, ამავე ვებგვერდზე გამოქვეყნების გზით, შეიტანოს ცვლილებები ან/და დამატებები მომხმარებლის შემდგომი დამატებითი თანხმობის გარეშე.

ცვლილებების/დამატებების განხორციელების შემდეგ, woof.ge მომხმარებლის მიერ ვებგვერდით სარგებლობის გაგრძელებას მიიჩნევს მომხმარებლის თანხმობად. მომხმარებელი ვალდებულია პროდუქტის რაოდენობა და ხარისხი შეამოწმოს შეკვეთის მიღების დღეს.

იმ შემთხვევაში, თუ მიღებული პროდუქტის რაოდენობა არ შეესაბამება მომხმარებლის მიერ განხორციელებულ შეკვეთას და/ან მიღებული პროდუქტი მომხმარებლის გონივრული ეჭვით არ აკმაყოფილებს ხარისხს მომხმარებელი ვალდებულია აღნიშნულის თაობაზე მიმართოს woof.ge-ს არაუგვიანეს შეკვეთის მიღებიდან მომდევნო კალენდარული დღის დასრულებამდე და შესაძლებლობის ფარგლებში დაურთოს ხსენებულის დამადასტურებელი ფოტომასალა დანაკლისთან დაკავშირებული ხარჯის ანაზღაურების მიზნით.

woof.ge სრულად იხსნის პასუხისმგებლობას განსაზღვრული ვადის ამოწურვის შემდგომ მომხმარებლის მხრიდან პრეტენზიის წარდგენის შემთხვევაში.

შენიშვნა: მომხმარებლის მხრიდან უკან დაბრუნებული შეკვეთის მოგვიანებით მიღების სურვილის შემთხვევაში, ის პროდუქტი, რომელიც არ დააკმაყოფილებს პროდუქტის შესაბამის ხარისხს მისი თვისობრივი ხასიათის გათვალისწინებით, არ ექვემდებარება მომხმარებლისათვის ხელახლა მიწოდებას, გარდა იმ შემთხვევისა, თუ მომხმარებელი განახორციელებს იმავე სახის პროდუქტის განმეორებით შეძენას.