ძალიან სასიამოვნო და ლამაზია, როდესაც თქვენი აკვარიუმი მრავალფეროვანია და სავსეა სხვადასხვა ტიპის თევზით.
ზოგი თევზის მოვლა უფრო ადვილია, რაც მათ იდეალურ აკვარიუმის თევზად აქცევს და კარგია როგორც დამწყებთათვის, ასევე გამოცდილი ადამიანებისთვის.
რომელია საუკეთესო თევზი აკვარიუმისთვის
აქ ჩვენ გთავაზობთ აკვარიუმის თევზის რამდენიმე სახეობას, რომლებიც გამოირჩევიან თავისი უნიკალური მახასიათებლებით და სილამაზით.
ბრძოლია
ბრძოლია, იგივე ბეტა ან სიამის მებრძოლი თევზი, არის ერთ-ერთი ყველაზე პოპულარული შინაური თევზი თავისი ცოცხალი ფერებითა და ფარფლებით. მამრები ცნობილები არიან ტერიტორიული ბუნებით, ამიტომ მათ ხშირად შეხვდებით ცალკე აკვარიუმში.
მიუხედავად აგრესიული ბუნებისა, ბრძოლია თევზი შეიძლება იყოს ინტერაქციული, ხშირად ცნობს პატრონს და თითებსაც კი მიჰყვება შუშის გასწვრივ. მათთვის 25 გრადუსი იდეალურია და შეიძლება გამათბობელი დასჭირდეს, თუ გარემო შედარებით ცივია.
ზებრა ციკლიდი
ზებრა ციკლიდი არის პატარა ზომის, მაგრამ მხიარული თევზი შავი და თეთრი ზოლებით. მიუხედავად ზომისა, ისინი საკმაოდ კარგად იცავენ ტერიტორიას და ძალიან მარტივად მრავლდებიან.
თუმცა, გამრავლებისას ძალიან რთულია პატარების შენარჩუნება. ერთი ის, რომ ადგილი უნდა იყოს საკმარისი და მეორე, აუცილებელია შესაბამისი, ცილით გამდიდრებული საკვები.
კლოუნი თევზი
ულამაზესი, რომელიც ყველამ ვიცით ანიმაციური ფილმიდან “ნემოს ძიებაში”, არის მარილიანი წყლის თევზი. ზოომაღაზიებში არსებული კლოუნი თევზები ხელოვნურად არიან გამოყვანილები და ადაპტირებული არიან აკვარიუმში ცხოვრებაზე.
მიუხედავად იმისა, რომ მათ სჭირდებათ მარილიანი წყალი, ამის მიღწევა სახლის პირობებშიც შესაძლებელია შესაბამისი აღჭურვილობით. ასევე, მათ შეუძლიათ სიმბიოზური კავშირის დამყარება აქტინიებთან.
ოსკარი
თევზის სახეობა ოსკარი გამოირჩევა ინტელექტით, პატრონის ცნობით და ემოციების გამოვლენის უნარით. თუმცა, ისინი საკმაოდ დიდები იზრდებიან, 30 სანტიმეტრამდე და შესაძლოა ყველა აკვარიუმს არ მოუხდეს.
რაც შეეხება კვებას, საუკეთესოა ციკლიდის მარცვლები და გაყინულ-გამხმარი საკვების ბალანსი. სხვა ტიპის საკვებმა შეიძლება ზოგ შემთხვევაში გამოიწვიოს დაავადებები.
ზებრა თევზი
ზებრა თევზი ზომაში პატარაა, წაგრძელებული ფორმა აქვს და არის აქტიური. ბევრი სხვა აკვარიუმის თევზისგან განსხვავებით, მათ არ სჭირდებათ წყლის ტროპიკული ტემპერატურა და შეუძლიათ უფრო გრილ გარემოში ყოფნა.
ძალიან უხდება ჯგუფთან ერთად ყოფნა, არის ძალიან გამძლე და მარტივად მოსავლელი თევზი. ზებრა თევზის რამდენიმე სახეობა არსებობს, გრძელი ფარფლებით და გენეტიკურად მოდიფიცირებული GloFish.
შეჯამება
როგორც ხედავთ, აკვარიუმის თევზების არჩევანი საკმაოდ მრავალფეროვანია და შეგიძლიათ აირჩიოთ თქვენთვის შესაფერისი სახეობა და თქვენი აკვარიუმი მრავალფეროვანი გახადოთ.
